السلام عليكم عدنا لكم بقصة جديدة
مضحكة لدرجة لا تتصور
زي ما اتفقنا كل قصصي حقيقية ومعروفة المصدر وحديثة
هذا واحد سلمكم الله مدير قسم في دائرة حكومية بالمجمعة استأذن منه احد الموظفين بيرح الرياض لشغل ما..
المهم اذن له المدير (عبدا لله ع ) خرج الموظف واتجه برعاية الله إلى .. الرياض
تذكر المدير إن هو أيضا عنده شغل بالرياض قال في نفسه أروح الرياض واخلص شغلي وأبيع سيارتي واتصل عليه نجي سوا...
اتصل على الموظف قال وين أنت فيه؟ قال : بالرياض .. حلو
قال فيه حاجات تجيبها معك وأنت جاي من الرياض أوراق وشي زي كذا ..وافق الموظف
بعد شوي اتصل عليه وقال ترا اللي بيعطيك الأوراق خالي
قال:حياك الله أنت خالك
بعد شوي اتصل عليه قال ترا خالي بيجي معك قال حياه الله
السيارة فاضية وجايه به وبلاه
وقال ترا خالي يشبه لي فيه شبه كبير بيني وبينه بس الفرق مايلبس عقال..
ماعلق الموظف !!
قال وين نتقابل قال الموظف باي مكان لو تبي اجيه في بيته
قال لا مانبي نتعبك الوعد عند نادي الشباب..
جال الموعد الا هذا (عبدالله ) جاي على لومزين ويشوف رفقيه واقف يحتريه..
يقول فصخت العقال وحطيته بالكيس اللي معي..
يقوول غيرت مشيتي وكلامي وشكل الغترة وسلمت عليه وشلونك ياولدي ..
يوووم شافني يقول كل علامات الانبهار والتعجب بادية على وجهه؟!!!!
وش هالشبه الكبير حتى حبة الخال واللحية والشنب والعيون
يقول المدير انا اشوفه وماقدرت امسك نفسي من الضحك حاولت حاولت يقول بالنهاية واكرها ضحكة هههههههه
ويقعد يشوت فيني يقول حسبي الله عليك أحسبك جني يقول والله لو ركبت السيارة والله ما اركب معك هههههههههه وجو المجمعة مصحوبين بالسلامة
وسلامتكم
ليست هناك تعليقات:
إرسال تعليق